2. Samuilova

3 O kralj phenđa: „Isi li pana neko andi Saulesi porodica kase šaj te mothovav verno mangipe savo o Devel mothovi?“ A o Siva phenđa e kraljese: „Aćhilo pana e Jonataneso ćhavo, kova našti te phirel.“ 4 O kralj pućlja le: „A kaj tano ov?“ O Siva phenđa lese: „Ov tano ko ćher ando Amileso ćhavo, o Mahir, ko Lodevar.“ 7 Palo odova, o David phenđa lese: „Ma dara, sose ka mothovav tuće verno mangipe sebepi to dad, o Jonatan. Ka irinav tuće sa i phuv koja hine te paposi, e Saulesi, a tu uvek ka ha kotar mo astali.“ 8 Tegani o Mefivostej pokloninđa pe lese đi ki phuv hem phenđa: „Ko hijum me te brinine tut mandar? Me hijum sar mulo đućel.“