1. Kraljevima

6 Odolese vaćer akana te manušenđe te ćhinen maje o livanska kedrija. Me sluge ka ćeren te slugencar hem ka platinav te slugenđe kobor tu ka phene, sose šukar đaneja so niko amendar na đanela te ćhinel o kašta sar o Sidoncija.“ 13 O kralj Solomon ando celo Izrael birinđa e manušen kase naredinđa te ćeren buti olese. Okola so ćerđe buti hine 30 000. 14 Svako masek bićhalđa len ko Livan ko smene ando 10 000. Masek dive hine ko Livan, a duj masek hine ćhere. O Adoniram hine upro okola so ćerđe buti. 15 O Solomon hine le 70 000 radnikija hem 80 000 okola so oblikujinđe o bara ko planine, 16 sar hem 3 300 ando pe kneževska namesnikija kola hine upro radnikija. 17 Pali e kraljesi zapovest ikalđe but bare skupocena bara hem palo odova oblikujinđe le te šaj te ćhiven o temelji e ćherese.