1. Kraljevima
20 O Jehova ispuninđa po obećanje kova dinđa hem me nasledinđum me dade e Davide hem bešljum ko e Izraeleso presto, sar so obećinđa o Jehova. Ćerđum hem o ćher kova ka akhari e Jehovaso anav, o Devel e Izraeleso. 22 Tegani o Solomon terdilo anglo e Jehovaso oltari anglo celo izraelsko narodo, phravđa pe vasta premalo nebo 23 hem phenđa: „Jehova, tu kova hijan e Izraeleso Devel, nijekh Devel nane sar tute, ni upre ko nebo ni tele ki phuv. Tu ićereja tut ko savez hem mothoveja to verno mangipe te slugenđe kola služinena tuće celone vileja. 24 Ispuninđan te slugase e Davidese, me dadese, okova so obećinđan. So obećinđan, odova avdije hem ispuninđan te vastencar. 27 „Ama da li tu, Devla, ćaće ka živine ki phuv? Aće ni o nebesija ni o nebo upro nebesija nane dovoljno bare te šaj tu te živine upro olende, a kamoli akava ćher so ćerđum! 32 tegani šun kotar nebo hem ov sudija te slugenđe. E lošno manuše proglasin soj tano krivo hem kaznin le aso odova so ćerđa, a e pravedno manuše proglasin so nane krivo hem nagradin le asi olesi pravednost. 39 tu šun kotar nebo, kotar than kuri hijan, oprostin hem ćer diso. De svakonese premalo olese delija, sose tu đaneja svakoneso vilo (samo tu šukar đaneja o vilo ando svako manuš), 46 Ako grešinena tuće (sose nane manuš kova na grešini), hem tu holjaneja upro lende hem predajineja len e neprijateljenđe, pa okola kola zarobinđe len legarena len ko zarobljeništvo ki neprijateljsko phuv, dur ili paše,