Efešanima

11 Odova tano premali večno namera koja o Devel isi le povezimi e Hristeja Isuseja, amare Gospodeja. 14 Odolese perava ko koćija anglo Dad, 15 sose ov ćerđa te ovel svako porodica ko nebo hem ki phuv. 16 Molinava e Devle, kasi slava tani but bari, te koristini i moć ando po sveti duh te zorjaćeri amaro vilo hem amari godi 17 hem sebepi tumari vera o Hrist te ovel ko tumare vile zajedno e mangipaja. Oven ukorenime hem utemeljime ki vera, 18 te šaj potpuno te haljoven, zajedno sa e sveto manušencar, kobor tano buvlo, dugačko, ućo hem hor o ćaćipe 19 hem te penđaren e Hristeso mangipe, kova nakhavi sa o đandipe, te šaj te ispuninen tumen sa odoleja so o Devel dela. 20 A ov pe silaja koja delujini ano amende šaj te ćerel pobuter kotar sa so molinaja ja zamislinaja.