1. Kraljevima
18 Palo disavo vreme, a odova hine trito berš, o Jehova phenđa e Ilijase: „Đa hem ikljov anglo Ahav, sose ka mukhav boršim ki phuv.“ 3 O Ahav vićinđa e Avdija, e upravitelje ando po dvoro. (O Avdija but darandilo ando Jehova. 12 Ama ked ka đav tutar, ko đanela kaj ka legari tut e Jehovaso duho, pa ked ka javinav e Ahavese so hijan akate, a ov na ka arakhi tut, sigurno ka mudari man. A to sluga darala ando Jehova kotar po ternipe. 13 Zar mo gospodari na šunđa so ćerđum ked i Jezavelja mudarđa e Jehovase prorokonen, sar garavđum 100 e Jehovase prorokonen ko duj pećine, ki svako po 50, hem anđum lenđe maro hem pani? 15 Ama, o Ilija phenđa lese: „Dava sovel upro Jehova kova tano Komandanti upro sa o vojske, upro đivdo Devel kase služinava, avdije ka ikljovav anglo leste.“ 21 Tegani o Ilija alo anglo narodo hem phenđa: „Đi ked ka oven ko duj gođa? Ako tano o Jehova pravo Devel, služinen olese, a ako tano o Val, služinen olese.“ Ama o narodo na irinđa lese nijekh lafi. 25 Tegani o Ilija phenđa e Valese prorokonenđe: „Birinen jekh junco hem prvo tumen spreminen le, sose hijen više đene. Palo odova vićinen tumare devleso anav, ama ma tharen jag.“ 26 On lelje e junco kole birinđe hem spreminđe le, a palo odova ando sabaj đi o podne vićinđe e Valeso anav: „Vale, šun amen!“ Ama na hine ni glaso ni odgovor olestar. On ripinđe hem ćhelđe uzalo oltari kova ćerđe. 27 Nakro podne o Ilija počminđa te marel lenđe muj: „Vićinen le ko sa o glaso! Ipak tano ov devel! Šaj zamislinđa pe ja đelo ko ćenefi. A šaj sovela hem valjani te vazden le!“ 28 Ando sa o glaso vićinđe le hem sar so hine len običaj lelje bodežija hem kopljija te ćhinen pe sa đi na ćerđe pe sa ano rata. 29 Nakhlja hem o podne, a on pana hine sar diline, sa đi na pelji i rat ked alo o vreme te del pe o điv. Ama ni tegani na hine lestar ni glaso ni odgovor hem niko na šunđa len. 36 Ked pelji i rat hem ked alo o vreme te del pe o điv, o prorok Ilija đelo đi ko oltari hem phenđa: „Jehova, tu kova hijan e Avrahameso, e Isakeso hem e Izraeleso Devel, avdije nek đanen sare so hijan tu Devel ko Izrael, so hijum me to sluga hem so sa akava ćerđum premali ti zapovest. 37 Šun man, Jehova! Šun man te šaj akava narodo te đanel so tu Jehova, hijan pravo Devel, hem so tu mangeja on palem te služinen tuće.“ 38 Tegani o Jehova bićhalđa jag hem tharđa i žrtva paljenica, o kašta, o bara, i prašina hem šućarđa o pani andi rupa. 40 Tegani o Ilija phenđa lenđe: „Astaren e Valese prorokonen! Ma mukhen nijekhe te našel!“ On astarđe len, a o Ilija legarđa len đi o potok ando Kison hem uduri mudarđa len.