1. Kraljevima

8 Ko odova o izraelsko kralj phenđa e Josafatese: „Isi pana jekh manuš prekalo kaste šaj te roda savet ando Jehova, ama me mrzinava le sose niked na proreknini maje šukar, nego uvek lošno. Odova tano o Miheja, e Jemlineso ćhavo.“ Ama, o Josafat phenđa: „Na valjani o kralj te vaćeri ađahar.“ 19 Tegani o Miheja phenđa: „Odolese šun e Jehovaso lafi: Dikhljum sar o Jehova bešela ko po presto hem celo nebesko vojska sar bešela ki olesi desno hem levo strana. 20 O Jehova phenđa: ’Ko ka hovavi e Ahave te đal ko Ramot ko Galad hem uduri te merel? Jekh anđeo phenđa akava, a aver okova.‘ 21 Ko krajo alo jekh anđeo, terdilo anglo Jehova hem phenđa: ’Me ka hovavav le.‘ O Jehova pućlja le: ’Sar ka ćere odova?‘ 22 Ov phenđa: ’Ka đav hem ka ćhivav olese prorokonen te hovaven le.‘ A ov phenđa: ’Ka uspine tu te ćere odova. Đa hem ćer ađahar.‘ 23 Hem aće, o Jehova ćhivđa sa te prorokonen te hovaven, ama o Jehova phenđa so ađićeri tut o lošnipe.“ 39 Avera događaija ando Ahaveso životi, sa so ćerđa hem sar ćerđa o dvor andi slonovača hem sa pe dizja, sa odova tano pisimo ki knjiga andi istorija kotar izraelska kraljija.