2. Kraljevima

7 Tegani o Jelisej phenđa: „Šunen e Jehovaso lafi! Ađahar phenela o Jehova: ’Tajsa ko akava vreme ko samarijska udara jekh mera ando šužo varo ka ovel jekh sikal hem duj mere ando ječam ka oven jekh sikal.‘ “ 2 Ko odova e kraljeso pomoćniko, kase o kralj verujinđa, phenđa e slugase ando ćaćutno Devel: „Čak ked bi o Jehova phravela o nebo hem ked bi ćerela o điv te perel sar boršim, da li bi odova ćaće ovela?“ A ov odgovorinđa lese: „Ka dikhe odova te jaćhencar, ama na ka ha.“ 6 O Jehova ćerđa ko sirijsko logor te šunđol i buka ando kočije hem ando grasta – i buka andi bari vojska. Odolese vaćerđe jekh jekhese: „Aće, o izraelsko kralj anđa e hetejsko hem e egipatsko kraljen te napadinen amen!“ 7 Ađahar on uštilje hem ked pelji i rat našlje. Aćhavđe pe šatorija, pe grasten, pe heren hem sa so hine ko logor, hem našlje te spasinen po životi. 16 O manuša ikljilje hem lelje sa so hine ko sirijsko logor. Ađahar jekh mera ando šužo varo hine jekh sikal hem duj mere ando ječam hine jekh sikal, sar so phenđa o Jehova. 17 O kralj ćhivđa okole pomoćniko kase verujinđa te nadgledini e dizjake udara, ama o manuša gazinđe le ko udara hem ađahar mulo, sar so e Devleso sluga phenđa e kraljese ked alo koro leste. 18 Hine baš ađahar sar so e Devleso sluga phenđa e kraljese: „Tajsa ko akava vreme ko samarijska udara duj mere ando ječam ka oven jekh sikal hem jekh mera ando šužo varo ka ovel jekh sikal.“