2. Kraljevima
3 Ov ćerđa odova soj tano ispravno anglo Jehovase jaćha, sar oleso rođako o David. 19 O ravsak phenđa lenđe: „Vaćeren e Jezekijase: ’Ađahar phenela o baro kralj, o kralj andi Asirija: „Ko so tu uzdajineja tut? 20 Tu pheneja: ’Isi man veština hem sila aso maribe‘, ama odola tane samo ćuće lafija. Koro kaste uzdajineja tut ked usudinđan tut te bunine tut protiv mande? 21 Uzdajineja tut ko Egipat, kova tano sar phagi trska koja posavi okoleso vas kova oslonini pe upro late. Asavko tano o faraon, o egipatsko kralj, premalo sarinende kola uzdajinena pe upro leste. 22 Ako phenena maje: ’Uzdajinaja amen upro Jehova, amaro Devel‘, nane li so o Jezekija cidinđa olese uzvišice hem o oltarija pa vaćeri e manušenđe andi Juda hem ando Jerusalim: ’Klaninen tumen e Devlese anglo akava oltari ko Jerusalim‘?“ ‘ 25 Da li bizo e Jehovaso odobrenje pođinđum ko akava than te uništinav le? Kokri o Jehova phenđa maje: ’Đa ki odija phuv hem uništin la.‘ “ 31 Ma šunen e Jezekija, sose ađahar phenela o asirsko kralj: „Ćeren savez mancar hem predajinen tumen hem ka han andi tumari loza hem andi tumari smokva hem ka pijen pani ando tumaro bunari, 32 đi na avava hem đi na legarava tumen ki phuv sar soj tani tumari, ki phuv ando điv hem ando terno vino, ki phuv ando maro hem ando vinogradija, ki phuv ando masline hem ando avđin. Ađahar ka aćhon đivde hem na ka meren. Ma šunen e Jezekija, sose ov hovavi tumen ked phenela: ’O Jehova ka spasini amen.‘