2. Kraljevima

6 Tegani o Juj uštilo hem khuvđa ko ćher, a o sluga ćhorđa lese ulje ko šero hem phenđa lese: „Ađahar phenela o Jehova, e Izraeleso Devel: ’Ćhivava tut te ove kralj upro e Jehovaso narodo, upro Izrael. 7 Mudar e potomkon ando to gospodari o Ahav, sose ka irinav lenđe aso me slugengo e prorokonengo rat hem aso rat ando sa e Jehovase sluge kola i Jezavelja mudarđa. 8 Ka ovel mudardo celo e Ahaveso ćher. Ka uništinav sa e muršen ko Ahaveso ćher, čak hem okolen soj tane bezvredna ko Izrael. 22 Ked o Joram dikhlja e Juje, pućlja le: „Aveja li ko mir, Juj?“ A ov odgovorinđa lese: „Sar šaj te ovel mir ked ti daj, i Jezavelja, ćerela blud hem bavini pe magijaja?“ 23 Tegani o Joram irinđa i kočija te našel hem phenđa e Ohozijase: „Hovavđe amen, Ohozija!“ 24 A o Juj lelja po luk hem i strela hem pogodinđa e Jorame ko dumo, ađahar i strela nakhlja ando oleso vilo hem ov pelo ki kočija. 30 Palo odova o Juj alo ko Jezrael. Ked i Jezavelja odova šunđa, ko pe jaćha ćhivđa kalji boja, namestinđa pe bala hem dikhlja ando đami. 31 Samo so khuvđa o Juj ko dizjake udara, oj phenđa lese: „Da li đaneja sar nakhlja o Zimrije, kova mudarđa pe gospodare?“ 32 Ov dikhlja ko đami hem pućlja: „Koj tano ki mi strana? Ko?“ Duj ja trin manuša kola hine ko dvor odmah dikhlje premalo leste. 33 O Juj phenđa: „Forden la telje!“ On fordinđe la, a olako rat prskinđa o zidija hem e grasten. Hem olese grasta gazinđe la.