1. Letopisa

3 Akala tane e Davidese ćhave kola bijandilje lese ko Hevron: o prvo ćhavo o Amnon, kas bijanđa i Ahinoama ando Jezrael, o dujto ćhavo o Danilo, kas bijanđa i Avigeja ando Karmil, 2 o trito o Avesalom, o ćhavo andi Maha, koja hine e Talmajesi ćhaj, kova hine kralj ando Gesur, o štarto o Adonija, e Agitako ćhavo, 3 o panđto o Sefatija, kas bijanđa i Avitala hem o šovto o Itram, kas bijanđa e Davidesi romni i Egla.