1. Letopisa

17 Ando okola so arakhlje o udara hine o Salum, o Akuv, o Talmon hem o Ahiman. Olengo phral o Salum hine poglavari 18 hem angleder služinđa ko kraljese udara ko istok. On arakhlje o udara ko logor ando Levitija. 19 O Salum, e Koreso ćhavo, e Evijasafeso unuko, e Korejeso praunuko hem olese phralja andi olesi plemensko porodica, e Korejese potomkija, nadgledinđe i buti. Arakhlje o ulaz ko šatori sar so olenge phure arakhlje o ulaz ko Jehovaso logor. 20 E Eleazareso ćhavo o Fines angleder hine olengo vođa. O Jehova hine oleja. 26 Odija odgovorno služba hine dindi štare manušenđe kola hine glavna ko udara. On hine Levitija hem vodinđe računi ando trpezarije hem ando riznice ko ćher ando ćaćutno Devel. 27 Raćate terdilje ko pe thana okolo ćher ando ćaćutno Devel, sose olengi buti hine te arakhen straža. Hine len ključo koleja svako sabaj phravđe o udara. 33 Odola hine o pevačija, o poglavarija ando levitska plemenska porodice. On hine ko trpezarije. Hine oslobodime ando avera buća, sose dive-rat ćerđe pi buti.