2. Letopisa

11 Tegani o Devel phenđa e Solomonese: „Odolese so odova mangljan ko to vilo hem na rodinđan te ovel tut but buća, te ove barvalo, te ove penđardo hem na rodinđan te meren okola so mrzinena tut ja te živine but, nego rodinđan mudrost hem đandipe te šaj te sudine me narodose, upro kova ćhivđum tut te ove kralj, 12 ka dav tut mudrost hem đandipe. Ama, ka dav tut hem akava: ka ovel tut but buća, ka ove barvalo hem ka dav tut čast savi na hine le nijekh kralj angleder tute hem savi na ka ovel le nijekh palo tute.“ 14 O Solomon ćedinđa but kočije hem but grasta. Hine le 1 400 kočije hem 12 000 grasta. Ćhivđa len ko dizja kuri ićerđa o kočije hem koro peste ko Jerusalim. 15 O kralj ćerđa ko Jerusalim o srebro hem o zlato te oven odobor but sar bara, a i kedrovina sar o divlja smokve ki Šefela. 17 Svako kočija koja anđe ando Egipat, koštinđa 600 srebrnikija, a svako gras koštinđa 150. Odola trgovcija bikinđe len hem sa e hetejsko hem e sirijsko kraljenđe.