1. Timoteju

2 Najangleder, podstakninava tumen te molinen tumen aso sa o vrste ando manuša ađahar so iskreno ka roden pomoč ando Devel hem ađahar so iskreno ka zahvalinen tumen olese. 2 aso kraljija hem aso sare kola tane ki vlast, te šaj te živina ko mir, bizo brige hem te oven odana celo vileja e Devlese. 3 Odova tano šukar hem ugodno ko jaćha amare Spasiteljese, e Devlese, 4 kova mangela te spasinen pe sa o manuša hem šukar te upoznajinen o ćaćipe. 5 Sose jekh tano o Devel hem jekh tano posredniko maškaro Devel hem o manuša, o manuš, o Hrist Isus, 6 kova kokri pes dinđa sar odgovarajućo otkupnina sarinenđe. Odolestar ka vaćeri pe ko po vreme. 9 Isto ađahar, na mangava o đuvlja te mothoven po šužipe ađahar so ka khuven pe bala, ka ćhiven pese zlato, biserija ja ka uraven skupa šeja, već pristojno te uraven pe, te oven skromna hem razborita. 10 Te oven šuže on valjani te ćeren šukar buća, sar so hem valjani te ćeren o đuvlja kola služinena e Devlese. 12 Na dozvolinava e đuvljaće te sikavi, ni te vladini upro murš, nego nek trajini hem nek šunela i pouka. 14 Hem na hine prevarimo o Adam, nego i romni, oj hine potpuno prevarimi hem na ićerđa pe ki e Devlesi zapovest.