2. Letopisa

2 O Joas ćerđa odova soj tano ispravno ko e Jehovase jaćha sa đi hine đivdo o svesteniko o Jodaj. 15 O Jodaj mulo ko phure berša, zadovoljno pe životoja. Hine le 130 berš ked mulo. 16 Parunđe le maškaro kraljija ki Davidesi diz, sose ko Izrael ćerđa okova soj tano šukar, služinđa e ćaćutne Devlese hem brininđa pe ando oleso ćher. 17 Palo Jodajeso meribe, alje o knezija andi Juda hem pokloninđe pe e kraljese, a o kralj šunđa odova so phenđe lese. 18 On aćhavđe e Jehovaso ćher, e Devle ando pe phure, hem počminđe te služinen aso obredna deblija hem e idolenđe, hem sebepi olengi krivica o Devel holjanđa upri Juda hem o Jerusalim. 19 O Jehova bićhalđa lenđe pe prorokonen te podstakinen len te irinen pe olese. On upozorinđe len, ama akala na šunđe len. 22 O kralj Joas bisterđa o verno mangipe kova mothovđa lese e Zaharijaso dad, o Jodaj, hem mudarđa olese ćhave. Đi merela hine, ov phenđa: „Nek dikhel o Jehova akava hem nek kaznini tut.“ 25 Ked đelje pese olestar, mukhlje le but ranimo, olese sluge ćerđe plan protiv oleste sose mudarđa e sveštenikose Jodajese ćhaven. On mudarđe le ko oleso kreveti. Ađahar ov mulo hem parunđe le ki Davidesi diz, ama na ki kraljevsko grobnica.