2. Letopisa
2 Ov ćerđa odova soj tano ispravno anglo Jehovase jaćha, ama na celone vileja. 5 O Amasija ćedinđa e Judejcen hem zapovedinđa sare ando Judaso hem Venijamineso pleme te terđon ko grupe, premalo peklje plemenska porodice. Odola manuša hine organizujime ko grupe zajedno pe zapovednikoja upro hiljade hem pe zapovednikoja upro stotine. Ked popisinđa okolen ando 20 berš hem pobuter, arakhlja so isi 300 000 iskusna ratnikija kola tane sposobna asi vojska, kola đanena te koristinen o koplje hem o baro štit. 6 Uzo odova, lelja ando Izrael pana 100 000 hrabra ratnikija aso 100 talantija ando srebro. 7 Ama koro leste alo o sluga ando ćaćutno Devel hem phenđa lese: „Kraljo, ma te đal tuvaja i izraelsko vojska, sose o Jehova nane e Izraeleja, niti bilo kasa ando Jefremeso pleme. 8 Đa kokri hem hrabro borin tut ko maribe. Ako na ćereja ađahar, o ćaćutno Devel šaj ka peravi tut anglo to dušmani, sose o Devel isi le moć te pomožini, a hem te peravi.“ 9 Tegani o Amasija phenđa e Devlese slugase: „Ama me već dinđum 100 talantija e izraelsko vojskaće. So ka ovel odoleja?“ Ko odova e Devleso sluga phenđa: „O Jehova šaj te del tut but pobuter ando odova.“ 10 Ađahar o Amasija odvojinđa e vojnikonen kola alje ando Jefrem hem bićhalđa len ćhere. Ama on holjanđe upri Juda hem irinđe pe ćhere but holjame.