2. Letopisa

30 O Jezekija pisinđa sarinenđe ko Izrael hem ki Juda, čak pisinđa lila aso Jefremeso hem aso Manasijaso pleme, te aven ko Jehovaso ćher ko Jerusalim te slavinen i Pasha ki čast e Jehovase, e Izraelese Devlese. 10 O glasnikija đelje andi diz ki diz ki celo e Jefremesi hem e Manasijasi phuv pa sa đi e Zavulonesi phuv, ama o manuša marđe lenđe muj hem asandilje. 11 Samo disave ando Asireso, e Manasijaso hem e Zavuloneso pleme ponizinđe pe hem alje ko Jerusalim. 13 Ko Jerusalim ćedinđa pe baro narodo te šaj ko dujto masek te slavinen o Praznik ando mare bizo kvasco. Ćedinđe pe but manuša. 20 O Jehova odgovorinđa ki Jezekijasi molitva hem oprostinđa e manušenđe. 25 Ađahar veselinđe pe sa o manuša andi Juda, o sveštenikija hem o Levitija, sa o manuša kola alje ando Izrael, o strancija kola alje andi izraelsko phuv hem okola so živinđe ki Juda. 26 Ko Jerusalim hine baro veselje, sose pana ando vreme ked hine o izraelsko kralj o Solomon, e Davideso ćhavo, ađahar diso na hine ko Jerusalim. 27 Ko krajo o sveštenikija uštilje hem blagoslovinđe e manušen. O Devel šunđa olengo glaso hem olengi molitva reslja đi o sveto than kuri ov živini, ko nebo.