Jezdra

5 Tegani o prorokija o Agej hem o Zaharija, e Idoso unuko, počminđe te prorokujinen e Judejcenđe kola hine ki Juda hem ko Jerusalim, ko anav ando Izraeleso Devel, kova hine olencar. 2 Ko odova vreme o Zorovavelj, e Salatileso ćhavo, hem o Isus, e Josedekeso ćhavo, počminđe palem te gradinen e Devleso ćher ko Jerusalim. E Devlese prorokija hine uzo lende hem pomožinđe len. 3 Tegani koro lende alje o Tatnaj, o namesniko ando područje kova hine ki aver strana andi reka, o Setar-Vosnaj hem olese saradnikija hem pućlje le: „Ko phenđa tumenđe te ćeren akava ćher hem te ćhiven akala grede?“ 17 „A akana, ako tani e kraljesi volja, ki kraljevsko riznica ko Vavilon nek dikhel pe da li ćaće o kralj Kir dinđa naredba palem te ćerel pe e Devleso ćher ko Jerusalim, hem nek phenel pe amenđe savi odluka o kralj anđa.“