Jezdra

8 Akala tane o poglavarija ando plemenska porodice hem akava tano o rodoslovno zapis ando okola kola pođinđe mancar ando Vavilon đi vladinđa o kralj Artakserks: 21 Palo odova, uduri ki reka Avi, phenđum olenđe so sare valjani te postina, te ponizina amen anglo amaro Devel hem te molina le te legari amen ko amaro drumo hem te arakhi amen, amare ćhaven hem sa amaro barvalipe. 22 Hine maje lađavo te rodav ando kralj e vojska hem okolen so jašinena te bi arakhena amen ando dušmanija, sose phenđam e kraljese: „Amaro šukar Devel tano sarinencar kola rodena le, a olesi bari holi tani protiv sarinende kola aćhavena le.“ 23 Odolese postinđam hem molinđam amen aso odova amare Devlese hem ov šunđa amari molitva ando vilo. 31 Ko dešudujto dive ando prvo masek pođinđam kotar reka Ava te đa ko Jerusalim, a amaro Devel hine amencar hem štitinđa amen ando dušmanija hem ćora.