Nemija

2 Odolese o kralj phenđa maje: „Sose hijan tužno ked na hijan nabormo? Sigurno isi tut disavi dukh ko vilo.“ Tegani but darandiljum. 3 Tegani phenđum e kraljese: „Nek o kralj ovela đivdo zauvek! Sar te na ovav tužno ked tani i diz, kuri tane o grobija ando me phure, rušimi hem ked tane o udara andi diz tharde jagaja?“ 4 Ko odova o kralj pućlja man: „Tegani so mangeja?“ A me odmah molinđum man e nebesko Devlese. 5 Palo odova phenđum e kraljese: „Ako tano e kraljese pali volja hem ako hijum tuće šukar sluga, bićhal man ki Juda, ki diz kuri tane o grobija ando me phure, te obnovinav le.“ 6 O kralj angli kraljica, koja bešlja uzo leste, pućlja man: „Kobor ka aćhove hem ked ka irine tut?“ Ked phenđum lese ked ka irinav man, odova hine lese šukar hem mukhlja man te đav. 17 Ko krajo phenđum lenđe: „Dikhena so hijam ko pharipe: o Jerusalim tano rušimo, a olese udara tane tharde. Hajde te obnovina o jerusalimska zidija, te na ova više lađaćerde.“