Nemija

14 Uzo odova, ando dive ked uljum namesniko ki Judasi phuv, ando bišto đi o trijandadujto berš đi vladinđa o kralj Artakserks, ja dešuduj berš, ni me ni me phralja na rodinđam ništa hajbase iako sar namesniko hine man pravo ko odova. 15 O namesnikija kola hine angleder mandar ćerđe baro pharipe e narodose hem svako dive lelje olendar 40 sikalija srebro aso maro hem aso vino. Uzo odova, olenge sluge hine gruba premalo narodo. Ama, me na ćerđum ađahar sose darandiljum ando Devel. 16 Isto ađahar, pomožinđum te ćeren pe akala zidija, hem sa me sluge uduri ćerđe buti hem na leljam amenđe nijekh njiva. 17 Ko mo astali halje 150 Judejcija hem upraviteljija, hem o manuša ando avera narodija. 18 Svako dive ando mo troško spreminđe jekhe guruve, šov najšuže bakren hem e ćirikljen, a svako dešto dive anđa pe but vino. Iako ćerđum sa odova, na rodinđum o buća hajbase kola o namesniko isi le pravo te rodel, sose e narodose već hine pharo sebepi o obaveze kola hine len premalo kralj. 19 Devla, setin tut upro mande premalo šukar buća kola ćerđum aso akava narodo.