Nemija

13 Odova dive anglo narodo čitinđa pe e Mojsijesi knjiga hem koro late hine pisimo so nijekh Amonco hem Moavco niked na valjani te ovel deo ando narodo kova služini e ćaćutne Devlese, 2 sose na dinđe e Izraelcenđe maro hem pani, već lelje e Valame te del len armanja. Ama, amaro Devel ćerđa umesto armanja te del len blagoslov. 4 Angleder odova o sveštenik Elijasiv, e Tovijaso rođako, nadgledinđa o trpezarije ko amare Devleso ćher. 5 Ov olese sredinđa bari prostorija ki trpezarija kaj angleder aćhavđe o prinosija ando điv, o tamjan, o pribor, o dešto deo ando điv, o vino hem o ulje kova hine odredimo aso Levitija, aso pevačija hem aso okola so arakhlje o udara, hem o prilogija aso sveštenikija. 7 Ked resljum uduri, šunđum savo lošnipe ćerđa o Elijasiv ked sredinđa e Tovijase jekh deo ki trpezarija koja hine ko dvoro ando ćher kotar ćaćutno Devel. 8 Sebepi odova but holjanđum hem fordinđum sa e Tovijase buća odothar. 9 Palo odova phenđum te čistinen pe o trpezarije hem irinđum ano lende o pribor ando ćher kotar ćaćutno Devel, o prinos ando điv hem o tamjan. 10 Šunđum hem odova so o Levitija na dobinđe okova so hine olengo hem odolese o Levitija hem o pevačija kola služinđe ko hram đelje svako ki pi njiva.