Jestira

2 O kralj hem odova dujto dive, đi pilja pe vino ki gozba, phenđa e Jestiraće: „So mangeja, kraljice Jestire? Ka ispunini pe tuće. Hem so rodeja? Ako tano hem ekvaš ando mo kraljevstvo, ka del pe tuće!“ 3 I kraljica Jestira phenđa: „Ako isi man ti milost, mo kraljo, hem ako odova tano premali e kraljesi volja, molinava tut, spasin mo životi hem me narodoso, odova rodava. 4 Sose me hem mo narodo hijam bikime te ova mudarde hem te na postojina više. Ked bi ovaja bikime sar robija hem robinje, na bi phenava nijekh lafi. Ama, asavko lošnipe na ismini te ovel sose odova ka ovel e kraljese ki šteta.“