Otkrivenje

2 „E anđelese ki skupština ko Efes, pisin: Akava vaćeri okova kova ićeri o efta zvezde ko desno vas hem phirela maškaro efta zlatna svećnjakija: 2 ’Đanava te delija, to trud hem ti istrajnost, hem so našti te trpine e lošnone manušen, so iskušinđan okolen kola phenena soj tane apostolija, a nane hem dikhljan soj tane hovavne. 3 Istrajno hijan, trpinđan but sebepi mo anav hem na ćhindiljan. 4 Ama, akava isi man protiv tute: našalđan o mangipe kova hine tut ko početko. 7 Ko isi le kana, nek šunel so o duho vaćeri e skupštinenđe: Okolese kova pobedini ka dav te hal kotar kaš ando životi, kova tano ko Devleso raj.‘ 10 Ma dara ando odova so ka doživine. Aće, o Beng disave tumendar ka fordel ko phanlipe te oven potpuno iskušime hem deš dive ka trpinen i nevolja. Ov verno sa đi o meribe hem ka nagradinav tut životoja. 11 Ko isi le kana, nek šunel odova so o duho vaćeri e skupštinenđe: Okolese kova ka pobedini akava sveto, o dujto meribe ništa na ka šaj te ćerel lese.‘ 12 „E anđelese ki skupština ko Pergam pisin: Akava vaćeri okova kova isi le baro hem oštro dvoseklo mač: 13 ’Đanava so živineja uduri kuri tano e Satanaso presto, ama zorale ićereja tut ko mo anav hem na ćhinavđan te mothove ti vera upro mande čak ni ko vreme ked živinđa mo verno svedoko, o Antipa, kova hine mudardo ki tumari diz, kuri živini o Satana. 14 „’Ipak, akava isi man protiv tute: odothe isi disave manuša kola ićerena pe ko Valamese sikljoviba, kova sikavđa e Valake te ćhivel e Izraelcen te grešinen – te han okova soj tano žrtvujimo e idolenđe hem te ćeren blud. 15 Isto ađahar, isi tut hem okola so ićerena pe ko sikljoviba andi Nikolasi sekta. 16 Odolese pokajin tut. Sose ako na pokajineja tut, ka avav sigate koro tute hem ka borinav man protiv olende e bare mačeja kova ikljola ando mo muj. 19 Đanava o buća so ćerđan len, hem to mangipe, ti vera, ti služba hem ti istrajnost, hem so ko poslednjo vreme ćereja pobuter nego so ćerđan ko početko. 21 Dinđum la vreme te kajini pe, ama oj na mangela te kajini pe aso po blud. 24 „’A sarinenđe tumenđe kola hijen ki Tijatira, kola na ićerena tumen ko odova sikljovibe hem kola na penđarđen o hovavne sikljoviba kola avena ando Beng, phenava: Na ćhivava upro tumende nisavo aver pharipe. 25 Samo ićeren tumen zorale ko odova so isi tumen, đi me na avava. 26 A okolese ko ka pobedini hem ko sa đi o krajo ka ćerel sa odova so zapovedinava, ka dav i vlast upro narodija, 27 sar so hem me dobinđum i vlast ando mo Dad, pa ka vladinen upro lende e palicaja ando sastron hem ka phagel len sar o ćare andi glina.