Otkrivenje

20 Hem dikhljum jekhe anđele sar huljela ando nebo hem ko vas hine le o ključo ando bezdan hem baro lanco. 2 Astarđa e zmaje, e purane sape, kova tano o Beng hem o Satana, hem phanlja le ko 1 000 berš. 3 Fordinđa le ko bezdan, phanlja le hem zapečatinđa le upro leste, te našti više te prevarini e narodon đi na nakhena 1 000 berš. Palo odova jekh kratko vreme valjani te ovel mukhlo. 5 (Avera mulje na uštilje đi na nakhlje o hiljada berša.) Odova tano o prvo uskrsenje. 6 Bahtale tane hem o sveta sare kola isi len udeo ko prvo uskrsenje. Upro olende o dujto meribe nane le vlast. On ka oven e Devlese hem e Hristese sveštenikija hem ka vladinen sar kraljija e Hristeja 1 000 berš. 7 A ked ka završinen pe odola 1 000 berš, o Beng ka ovel mukhlo ando po phanlipe. 8 ka ikljol te hovavi e narodon ko štar kraja ki phuv, e Goge hem e Magoge, te ćedel len aso maribe. A on ka oven sar morsko pošik. 10 A o Beng, kova hovavđa len, hine fordimo ko jezero andi jag hem ando sumpor, kuri već hine i zver hem o hovavno prorok. Hem ka oven mučime dive-rat, zauvek. 11 Dikhljum jekh baro parno presto hem okole kova bešela upro leste. Anglo leste našlje o nebo hem i phuv hem više nigde na hine. 12 Palo odova dikhljum e mulen, bare hem tikne sar terđona anglo presto. Hem phravdilje o svitkija. A phravdilo hem pana jekh aver svitko – o svitko ando životi. E mulenđe hine sudimo premalo odova so ćerđe hem premalo odova so hine pisimo ko odola svitkija. 13 Hem o more mukhlja e mulen so hine ano oleste. O meribe hem o grobo mukhlje e mulen kola hine ano olende. Hem svakonese hine sudimo premalo okova so ćerđa. 14 A o meribe hem o grobo hine fordime ko e jagako jezero. Odova e jagako jezero predstavini o dujto meribe. 15 Hem svako kaso anav na hine pisimo ki knjiga ando životi, hine fordimo ko jagako jezero.