Postanak

12 Tegani odola duj manuša phenđe e Lotese: „Isi tut li pana nekas akate? Ikal ando akava than te đamutren, te ćhaven, te ćhajen hem sa te manušen kola tane ki akija diz! 13 Ka uniština akava than, odolese so protiv o manuša ano leste vazdinđa pe bari vika anglo Jehova, odolese o Jehova bićhalđa amen te uniština akija diz.“ 15 Ked počminđa te phravđol o sabaj, o anđelija počminđe te siđaren e Lote: „Ušti! Ikal akatar te romnja hem te duje ćhajen te na meren ked akija diz ka ovel uništimi sebepi pe grehija!“ 16 Sebepi so hine ko duj gođa, odola manuša ljelje kotar vas ole, olese romnja hem olese duje ćhajen, odolese so o Jehova smilujinđa pe upro leste, hem ikalđe len andi diz. 17 Samo so ikalđe len kotar diz, jekh olendar phenđa: „Naš te spasine to životi! Ma irin tut hem ma terđov nigde ki jordansko ravnica! Naš ko okola bregija te na mere!“ 21 Tegani phenđa lese: „Šukar, ka uslišinav ti molba hem na ka uništinav i diz andi koja vaćereja. 26 A e Lotesi romni koja đelji palo leste, irinđa pe hem ulji stubo ando lon.