1. Kraljevima

3 O Avijam ćerđa sa o grehija kola ćerđa hem oleso dad angleder oleste, hem oleso vilo na hine potpuno verno e Jehovase, olese Devlese, sar so hine o vilo ando oleso rođako o David. 11 O Asa ćerđa okova soj tano ispravno anglo Jehovase jaćha sar oleso pretko o David. 12 Paldinđa andi phuv e hramsko bludnikon hem uništinđa sa e odvratno idolen kola ćerđe olese pretkija. 13 Čak hem pe baba, e Maha, više na mukhlja te ovel ko položaj sar kraljica daj, sose ćerđa odvratno idole te služinen e obredno deblose. O Asa ćhinđa olake odvratno idole hem tharđa le ki dolina Kedron. 14 Ama, o sveta thana na uništinđa. Ipak, o Asa celone vileja hine verno e Jehovase celo po životi. 23 Avera buća kola ulje ko Asaso životi, sa odova so ćerđa, hem o dizja kola ćerđa, sa odova pisini ko letopisija ando Judake kraljija. Ked phurilo, hine le nabormipe ko pre.