Isaija

13 A tumen radujinena tumen hem veselinena tumen, ćhinena e guruven hem e bakren, hana mas hem pijena vino, vaćerindoj: ’Te ha amenđe hem te pija amenđe, sose tajsa ka mera.‘ “ 15 Ađahar phenela o Najbaro Gospod, o Jehova, o Komandanti upro sa o vojske: „Đa ko okova dvorsko nastojniko, ko Somna, hem vaćer lese: 16 ’Da li tano akate diso toklo hem kotar tuće pravo ko akava than te ćere tuće grobnica?‘ Ko ućo than ov ćerela pese grobnica, ki stena ćerela pese grobo. 17 ’Manušeja, pazin, me o Jehova, ka peravav tut, a palo odova ka dolav tut. 18 Zorale ka phanav tut hem sar lopta ka fordav tut ki bari phuv. Uduri ka mere hem uduri te luksuzna vorda ka oven lađaće te gospodarese ćherese. 19 Ka fordav tut kotar to than hem ka ove cidimo andi ti služba.