Rimljanima

14 Prihvatinen okole kova nane le bari vera hem nikas ma osudinen sebepi odova sar dikhela ko buća. 4 Ko hijan tu te osudine averese sluga? Oleso gospodari odlučini da li ov ka terđol ili ka perel. A ka terđol, sose o Jehova šaj te pomožini lese te terđol. 5 Neko mislini so disave dive tane považna ando avera, a nekase tane sa o dive ista. Nek svako ovela potpuno uverimo ko po mišljenje. 10 A tu, sose osudineja te phrale? Ili sose peraveja te phrale? Sose o Devel sarinenđe ka sudini. 12 Odolese, svako amendar kokri pese ka odgovorini anglo Devel. 13 Odolese ma više te osudina jekh jekhe. Pošukar odlučinen te na ćhiven diso anglo phral sebepi so bi šaj te spotaknini pe ja te đal ko krivo drumo. 19 Odolese, te da sa amendar te ćera mir hem te zorjaćera jekh jekhe. 20 Ma uništinen e Devleso delo sebepi o habe. Ćaće, sa tano čisto, ama štetno tano ked neko hala hem ađahar ćhivela avere te spotaknini pe. 21 Najšukar tano te na hal pe mas hem te na pijel pe vino hem te na ćerel pe diso so šaj te spotaknini te phrale.