2. Jovanova

4 But radujinava man so saznajindžum so disave te ćhave živinena premalo ćaćipe, sar so hem o Dad zapovedinđa amenđe. 6 A o mangipe značini akava: te živina premalo olese zapovestija. Sar so šunđen ki početka, olesi zapovest tani te živinen ko mangipe. 7 Sose ko sveto pojavinđe pe but prevarantija, okola kola na priznajinena so o Isus Hrist alo ko telo. Svako asavko manuš tano prevaranti hem antihrist. 8 Pazinen upro tumende, te na našalen odova so đi akana trudinđam amen te ćera, nego te dobinen potpuno nagrada. 9 Ko god đala prekalo Hristese sikljoviba hem na ićeri pe ko odola sikljoviba, nane ko jekhipe e Dadeja. Ko god ićeri pe ko odola sikljoviba, ov tano ko jekhipe hem e Dadeja hem e Ćhaveja. 10 Ako neko avela koro tumende hem na ićeri pe ko akava sikljovibe, ma priminen le ko tumaro ćher hem ma pozdravinen le. 11 Sose okova kova pozdravini le učestvujini ko lošna buća kola ov ćerela.