Psalam
15 Jehova, ko šaj te ovel gosto ko to šatori? Ko šaj te ovel ki ti sveto gora? 2 Okova kova živini besprekorno hem ćerela odova soj tano pravedno, hem vaćeri o ćaćipe ko po vilo. 3 Okova so na klevetini pe ćhibjaja. Nisavo lošnipe na ćerela pe pašutnese, hem na vaćeri lošno kotar pe amala. 4 Ov cidela pe svakonestar kova na zaslužini ni hari poštovanje, a čast mothovi okolenđe so darana ando Jehova. Ov ispunini pe obećanja, čak ked tano odova olese ki šteta. 5 Pe pare na dela ki kamata hem na lela talo vas te bi ćerela lošnipe e nedužno manušese. Ko ađahar ćerela, niked na ka perel.