Poslovice

3 E manušese tani čast te cidel pe andi svađa, a koj tano bigođako khuvela ki svađa. 5 Hor panja tane o mislija ko manušeso vilo, ama o razborito manuš đanela sar te ikali len. 18 Uzo šukar savetija, o planija uspinena, odolese uzo averenge mudra savetija vodin to maribe. 21 O barvalipe kova dobini pe sebepi i pohlepa, na ka ovel blagoslovimo. 24 O Jehova usmerini e manušese korakija. Sar o manuš ka haljol po drumo? 25 O manuš perela ki zamka ked sigate phenela: „Akava tano sveto!“, a posle razmislini ando zavet kova dinđa. 27 E manušese lafija tane sar e Jehovasi svetiljka, koja mothovi sa soj tano garavdo ano manuš. 29 E terne ćhavenđe tani slava olengi snaga, a e phure muršenđe tani čast olenge parne bala.