2. Letopisa

7 Ko odova vreme ko judejsko kralj Asa alo o videlac, o Ananije hem phenđa lese: „Sose uzdajinđan tut upro sirijsko kralj, a na uzdajinđan tut upro Jehova, to Devel, i vojska ando sirijsko kralj našlja ando te vasta. 8 Nane li ađahar so o Etiopljanija hem o Libijcija hine len but bari vojska hem but kočije hem grasta? Ama o Jehova dinđa len tuće ko vasta sose uzdajinđan tut koro leste. 9 Sose o Jehova pe jaćhencar pažljivo dikhela celo phuv te bi mothovi pi snaga hem te bi zaštitini okolen kola tane celone vileja verna olese. Sebepi so na postupinđan mudro, kotar akana ka vazden pe o mariba protiv tute.