2. Letopisa

18 O Josafat ćedinđa baro barvalipe hem slava. Ulo familija e Ahaveja ađahar so dogovorinđa o brak maškar pikli hem olesi porodica. 2 Palo nekobor berš đelo ko Ahav ki Samarija. O Ahav sar žrtva dinđa bute bakren hem guruven pese hem e manušenđe kola hine oleja. Palo odova ćhivđa le te đal oleja te napadinen o Ramot ko Galad. 3 Ađahar o izraelsko kralj o Ahav pućlja e kraljo andi Juda e Josafate: „Mangeja li te đa mancar ko Ramot ko Galad?“ A ov phenđa lese: „Tu hem me hijam jekh. Mo narodo ka đal te narodoja. Ka pomožinav tut ko maribe.“