1. Timoteju

2 Ka oven prevarime prekalo licemerna manuša kola hovavena hem kasi savest otupinđa, 7 Cide tut ando hovavne paramiza kola meljaćerena okova soj tano sveto, kola vaćerena o phure romnja, a vežbin te ove verno e Devlese. 8 Sose o vežbanje tano korisno đi ki jekh mera, a odanost e Devlese tani korisno ko sa, sose anela amenđe blagoslovija hem akana hem ki budućnost. 10 Odolese but trudinaja amen hem daja sa amendar. Odova ćeraja sose uzdajinaja amen upro đivdo Devel, kova tano Spasitelj kotar sa o vrste ando manuša, a posebno ando okola kola tane olese verna. 12 Nijekh manuš ma te mislini so na hijan vredno odolese so hijan terno, nego ov šukar primer okolenđe soj tane verna ko odova sar vaćereja, sar ponašineja tut, ko mangipe, ki vera, ki čestitost. 13 Đi na avava, de sa tutar te čitine anglo avera, te ohrabrine hem te sikave averen. 14 Ma bistri o daro kova tano ano tute, kova tano tuće dindo prekalo proročanstvo ked o starešinstvo ćhivđa pe vasta upro tute. 15 Razmislin ando odova, de sa tutar te ćere odova, te šaj sare te dikhen to napredak. 16 Pazin šukar sar živineja hem sar sikaveja. Istrajin ko akala buća, sose ked ćereja odova ka spasine hem tut hem okolen so šunena tut.