1. Samuilova

32 O David phenđa e Saulese: „Niko ma te daral ando odova Filistejco. To sluga ka đal te borini pe oleja.“ 33 Ama o Saul phenđa e Davidese: „Našti tu te borine tut protiv odova Filistejco, sose pana hijan ćhavoro, a ov tano ratnik ando po ternipe.“ 34 O David phenđa e Saulese: „Ked to sluga arakhlja pe dadese bakren, jekhvar alo o lav, a aver puti alo o medved hem legarđa e bakre ando stado. 35 Me pođinđum palo leste, napadinđum le hem ikalđum e bakre ando oleso muj. A ked ov man napadinđa, me dolinđum le andi men, peravđum le hem mudarđum le. 42 Ked o Filistejin dikhlja e Davide, asandilo lese sebepi so hine ćhavo.Odolese so o David hine pana terno čhavo, lole hem šuže mujeso. 43 O Filistejco phenđa e Davidese: „Me li hijum đućel te napadine man kašteja?“ Hem počminđa te del le armanja ađahar so vićinđa pe devlen. 45 O David phenđa e Filistejese: „Tu aveja te napadine man mačeja, bare hem tikne kopljeja, a me avava ko anav ando Jehova, o Komandanti upro sa o vojske, kova tano o Devel andi izraelsko vojska, kase tu mareja muj. 46 O Jehova avdije ka del tut ko me vasta hem me ka mudarav tut hem ka ćhinav to šero. Avdije o ćiriklja hem o divlja životinje ka han o mas ando filistejska vojnikija. Hem sa o manuša soj tane ki phuv ka đanen so o pravo Devel tano e Izraeleja. 47 Sa akala manuša kola tane ćedime akate ka đanen so o Jehova na spasini ni mačeja, ni kopljeja, sose o Jehova odlučini ko ka pobedini ki bitka hem ov ka del amen te pobedina tumen.“ 49 O David ćhivđa po vas ki torba, ikalđa o bar, fordinđa le praćkaja hem khuvđa e Filistejco ko ćekat. Ađahar o bar aćhilo lese ko ćekat hem ov pelo ki phuv.