Otkrivenje

1 O Otkrivenje ando Isus Hrist, kova dinđa le o Devel, te mothovi pe robonenđe odova so pana hari ka desini pe. Ov bićhalđa pe anđele hem prekalo leste mothovđa odova ko znakija pe robese e Jovanese, 3 Bahtalo tano okova kova čitini hem okola kola šunena o lafija kotar akava proročanstvo hem kola ićerena pe ko odova so pisini koro leste, sose tano paše o vreme odova te ispunini pe. 5 hem ando Isus Hrist, kova tano o Verno svedoko, prvo kova uštilo ando mule hem o Vladari upro kraljija ki phuv. Olese, kova mangela amen hem kova pe rateja oslobodinđa amen ando amare grehija – 6 hem ćerđa te ova kraljija hem sveštenikija olese Devlese hem Dadese, olese pripadini i slava hem i moć zauvek. Amin. 8 „Me hijum Alfa hem Omega“, vaćeri o Jehova, o Devel, „okova kova tano hem kova hine hem kova avela, o Svemoćno.“ 9 Me, tumaro phral, o Jovan, kova sar e Isuseso sledbenik delinava tumencar o pharipe, o kraljevstvo hem i istrajnost, resljum ko ostrvo Patmos sose vaćerđum ando Devel hem svedočinđum ando Isus. 10 Legardo sveto duhoja aljum ko Gospodeso dive hem palo mande šunđum jekh zoralo glaso, sar o zvuk andi truba. 11 O glaso phenđa maje: „Odova so dikheja pisin ko svitko hem bićhal le ko efta skupštine: ko Efes, ki Smirna, ko Pergam, ki Tijatira, ko Sard, ki Filadelfija hem ki Laodikija.“ 15 Olese pre hine sar o čisto bakar kova topini pe ki peć, a oleso glas hine sar ked šunđona o bare panja. 16 Ko desno vas hine le efta ćerenja, ando muj ikljilo lestar baro hem oštro mač, a oleso muj hine sar o kham ked najzorale sjajini.