Marko

6 Ama, ked ko početko o Devel ćerđa o sveto, ’ov ćerđa e murše hem e đuvlja. 9 Odolese, so o Devel sastavinđa, o manuš te na ulavi.“ 14 Ked o Isus odova dikhlja, holjanđa hem vaćerđa lenđe: „Mukhen e ćhavoren te aven koro mande. Ma ćhinaven len sose asavkenđe tano dindo e Devleso Kraljevstvo. 17 Ked pođinđa ko drumo, prastandoj alo jekh manuš, pelo anglo leste ko koćija hem pućlja le: „Učitelju, tu kova hijan šukar, so valjani te ćerav te dobinav o večno životi?“ 18 O Isus phenđa lese: „Sose pheneja maje so hijum šukar? Niko nane šukar, osim jekh, o Devel. 19 O zapovestija đaneja: ’Ma mudar‘, ’Ma ćer preljuba‘, ’Ma ćor‘, ’Ma vaćer hovajbe ked svedočineja‘, ’Ma prevarin‘, ’Poštujin te dade hem te daja‘. 20 A ov phenđa lese: „Učitelju, pana kotar mo ternipe ićerava man ko sa odova.“ 21 Tegani o Isus dikhlja le hem odolese so zamanglja le phenđa lese: „Jekh nedostajini tuće: Đa, bikin odova so isi tut hem de o pare e ćororenđe pa ka ovel tut barvalipe ko nebo. A palo odova ava hem ov mo sledbeniko.“ 22 Ked šunđa odola lafija, o manuš rastužinđa pe hem ađahar tužno đelo, sose hine le baro barvalipe. 27 O Isus dikhlja len hem phenđa: „O manuša našti te ćeren odova, ama o Devel šaj. O Devel sa šaj te ćerel.“ 29 O Isus phenđa: „Verujinen maje, nane niko ko aćhavđa po ćher ja pe phralen ja pe phenjen ja pe daja ja pe dade ja pe ćhaven ja pe njive sebepi moklo hem sebepi i šukar vest, 30 a akana, ko akava vreme, te na dobini šel putija poviše: hem ćhera hem phralja hem phenja hem daja hem ćhave hem njive, ama zajedno odoleja hem o progonstvo, a ko vreme so avela večno životi. 39 On odgovorinđe lese: „Šaj.“ Tegani o Isus phenđa lenđe: „Ka pijen andi čaša kotar koja me pijava hem ka krstinen tumen e krstibaja koleja me krstinava man. 40 Ama me našti te dav tumenđe te bešen ki mi desno hem ki mi levo strana. Odola thana pripadinena okolenđe kase mo Dad odova planirinđa te del. 43 A maškaro tumende na ismini te ovel ađahar. Nego ko mangela te ovel baro maškaro tumende, nek ovel tumenđe sluga, 44 hem ko mangela te ovel prvo maškaro tumende, nek ovel sarinenđe robo. 45 Sose ni o manušikano Ćhavo na alo te služinen lese, nego te služini hem te del po životi sar otkupnina butenđe.“