1. Jovanova

3 Sose o mangipe premalo Devel značini te ićera amen ko olese zapovestija, a olese zapovestija nane phare. 5 Ko šaj te pobedini o sveto? Nane li odova okova kova verujini soj tano o Isus e Devleso Ćhavo? 14 A ko akava uzdajinaja amen ko Devel: so god te molina, a soj tano premali olesi volja, ov šunela amen. 15 Ako đanaja so ov šunela svako amari molitva, đanaja so ka dobina odova aso so molinđam amen, sose odova rodinđam olestar. 16 Ako neko dikhela so oleso phralje ćerela greh kova na legari ko meribe, neka molini pe olese hem o Devel odole phralese ka del životi. Ka del okolenđe kola na ćerena greh kova legari ko meribe. Isi greh kova legari ko meribe, ama nikase na phenava te molini pe aso odova greh . 17 Svako nepravednost tano greh, ama isi greh kova na ljegari ko meribe. 19 Amen đanaja so pripadinaja e Devlese, ama celo sveto tano ko e Lošnonese vasta. 20 Ama đanaja so e Devleso Ćhavo alo hem dinđa amen godi te šaj te penđara e ćaćutne Devle. Amen hijam ko jekhipe e ćaćutne Devleja prekalo oleso Ćhavo, o Isus Hrist. Odova tano o ćaćutno Devel hem o večno životi. 21 Ćhavalen, arakhen tumen ando idolija!