Poslovice

4 Ma trudin tut te ovel tut barvalipe. Ov razborito hem ma ćer odova. 5 Samo so dikheja premalo leste, ov našalđola, sose dobini phakha hem sar orao letini ko nebo. 15 Mo ćhavo, ako to vilo ka ovel mudro, mo vilo ka ovel bahtalo. 20 Ma ov okolencar so but pijena vino hem okolencar kola na đanena ked tano dosta te han mas. 21 Sose okova so but pijela hem okova so but hala ka ovel ćororo, a okova so but mangela te sovel ka ovel uravdo ko krpe. 23 Ćin o ćaćipe hem niked ma bikin le, isto ađahar i mudrost, i pouka hem i razboritost. 24 Ka radujini pe o dad ando pravedniko hem ka veselini pe o roditelj ando mudro. 25 Ka radujini pe to dad hem ti daj, ka radujini pe okija so bijanđa tut. 29 Koj tano ko problemi? Koj tano uznemirimo? Ko svađini pe? Ko žalini pe? Ko isi le rane bizo razlog? Ko na dikhela šukar? 30 Okola so but bešena te pijen vino, okola so ćedena pe te pijen zoralo vino 31 Ma mukh te hovavi tut i loli boja ando vino, ni odova sar svetlini ki čaša hem sar klizini ko korlo. 32 Ko krajo, hala sar o sap, mukhela o otrov sar otrovnica. 33 Te jaćha ka dikhen čudna buća hem to vilo ka vaćeri gadna buća. 34 Ka ove sar o manuš kova pašljola ko more hem sar neko ko pašljola ko vrh ando jarbol. 35 Ka phene: „Marđe man, ama ništa na dukhala man. Khuvđe man, ama ništa na osetinđum. Ked ka uštav? Pana pijela pe maje.“