Luka
9 Palo odova vićinđa e dešuduj učenikonen hem dinđa len moć hem vlast upro sa o demonija hem moć te saćaren. 2 Bićhalđa len te propovedinen ando Devleso Kraljevstvo hem te saćaren e nabormen, 6 Hem o učenikija pođinđe. Đelje kotar gav ko gav te objavinen i šukar vest hem te saćaren svuda. 23 Palo odova phenđa sarinenđe: „Ako neko mangela te đal palo mande, nek odreknini pe kokri pestar hem nek lel po mučeničko stubo hem nek akhari le svako dive hem nek đal palo mande. 38 Jekh manuš ando narodo ko glaso phenđa: „Učitelju, molinava tut, pomožin me ćhavese, sose samo ole isi man! 39 O duh khuvela ano leste hem kotar jekhvar počmini te pištini hem te kočini pe, a ko muj ikljola lese pena. Hem na mukhela le sa đi na lela sa olesi snaga. 40 Molinđum te učenikonen te forden le, ama naštine te ćeren odova.“ 41 A o Isus phenđa: „Tumen so hijen neverna hem rumime! Đi ked valjani te ovav tumencar hem te podnosinav tumen? Ana maje te ćhave.“ 42 Ama, đi o ćhavo avela hine uzo leste, o demoni fordinđa le ki phuv hem sebepi odova but kočinđa pe. O Isus ukorinđa e melale duho hem saćarđa e ćhave hem dinđa le olese dadese. 48 Hem phenđa lenđe: „Ko prihvatini akale ćhave ko mo anav, prihvatini hem man. A ko prihvatini man, prihvatini hem okole kova bićhalđa man. Sose ko maškaro sarinende tumende ponašini pe sar potikno, ov tano baro.“ 58 A o Isus phenđa lese: „O lisice isi len pe jazbine hem o ćiriklja isi len pe gnezdija, a o manušikano Ćhavo nane le kaj te ćhivel po šero.“