Psalam

84 Kobor mangava o than kuri tu živineja Jehova, tu kova hijan o Komandanti upro sa o vojske! 2 But mangava te ovav ko dvoro ando Jehovaso ćher. Mo vilo hem mo telo radosno đilabena e đivde Devlese. 3 Uduri čak hem i ćiriklji arakhi pese po than, i lastavica ćerela pese gnezdo hem barjaćeri pe tiknen paše uzo to oltari, Jehova tu kova hijan o Komandanti upro sa o vojske, mo Kralj hem mo Devel! 10 Sose pošukar tano jekh dive te ovav ko dvorija ando to ćher, nego hiljada dive te ovav negde averthe. Pošukar tano te terđovav ko prago ando me Devleso ćher nego te ovav ko lošnonenge šatorija. 11 Sose o Jehova, o Devel, tano o kham hem o štit, ov mothovi milost hem dela čast. O Jehova na ka ćhinavi nijekh šukaripe okolenđe kola živinena verno.