Luka
18 Tegani vaćerđa lenđe jekh poređenje te šaj te sikavi len so uvek valjani te molinen pe hem niked te na predajinen pe: 2 „Ki jekh diz živinđa jekh sudija kova na darandilo ando Devel ni na marinđa e manušenđe. 3 Ki odija diz hine jekh udovica koja stalno alji koro leste hem molinđa le: ’Pomožin maje te dobinav i pravda ko spor okoleja kasa sudinava man.‘ 4 Ov disavo vreme na manglja te pomožini la, ama ko krajo phenđa pese: ’Na darava ando Devel ni na marinava aso manuša, 5 ama akija udovica odobor dosadini man so ipak ka pomožinav la te dobini i pravda hem ađahar više na ka avel te dosadini man odoleja so rodela.‘ “ 6 Tegani o Gospod pućlja: „Šunđen li so phenđa o nepravedno sudija? 7 Da li tegani o Devel na ka ćerel i pravda te dobinen olese birime, kola dive hem rat rodena olestar pomoć? A uzo odova tano strpljivo olencar. 8 Phenava tumenđe, ka ćerel sigate te dobinen i pravda. Ama ked ka avel o manušikano Ćhavo, da li ka arakhi asavki vera ki phuv? 9 A disavenđe kola hine uverime ki pi pravednost, a averen peravđe, vaćerđa akava poređenje: 14 Phenava tumenđe, akava manuš đelo ćhere popravedno ando okova farisej. Sose svako ko vazdela pe ka ovel ponizimo, a koj tano ponizno ka ovel uzvisimo.“ 19 O Isus phenđa lese: „Sose vićineja man šukar? Niko nane šukar, osim jekh, o Devel. 35 Đi o Isus avela hine uzo Jerihon, jekh kororo manuš bešlja uzo drumo hem manglja. 36 Ked šunđa so nakhena but manuša, počminđa te pućel averen so ovela. 37 Phenđe lese: „Nakhela o Isus ando Nazaret!“ 38 Tegani pištinđa: „Isuse, e Davideso ćhavo, smilujin tut upro mande!“ 39 Okola kola hine anglal phenđe lese te na vaćeri, ama ov pana poglasno pištinđa: „E Davideso ćhavo, smilujin tut upro mande!“ 40 Tegani, o Isus terdilo hem zapovedinđa te anen le koro leste. Ked alo paše, o Isus pućlja le: 41 „So mangeja te ćerav tuće?“ Ov phenđa lese: „Gospode, ćer diso te šaj palem te dikhav.“ 42 A o Isus phenđa lese: „Dikh! Ti vera saćarđa tut.“ 43 Hem odmah počminđa palem te dikhel hem pođinđa palo leste, hem slavinđa e Devle. A sare kola dikhlje odova hvalinđe e Devle.