Psalam

5 Tu ćhivđan i phuv ko olake temeljija, oj na ka cidel pe kotar po than ki celo večnost. 12 O ćiriklja ćerena po gnezdo ko kašta uzo pani, ando gusta listija olengo glaso šunđola sar đilabena. 13 Kotar sobe ando uće thana panjeja phereja o planine. I phuv tani pherdi e bućencar kola ćereja. 14 Deja te barjol i ćar e stokaće hem o biljke kola koristinena o manuša sar hrana 15 hem vino kova ćerela e manuše te ovel bahtalo, ulje kastar oleso muj sijaini hem maro kova dela le snaga. 24 Kobor tane but te delija, Jehova! Sa ćerđan len mudro, i phuv tani pherdi bućencar kola tu stvorinđan. 25 Ko more, kova tano odobor baro hem buvlo, živinena but stvorenja, hem tikne hem bare. 33 Ka đilabav e Jehovase celo mo životi, điljaja ka hvalinav me Devle sa đi hijum đivdo.