Isaija
10 Sose o planine šaj te našalđon hem o bregija šaj te peren, ama o verno mangipe kova mothovava tuće na ka našalđol niti mo savez ando mir na ka perel, phenela o Jehova, okova kova mothovđa tuće samilost. 13 O Jehova ka sikavi sa te ćhaven hem te ćhave ka ovel len baro mir. 14 Ki pravda ka ove utemeljimi. Više niko na ka zadini tut, nisostar na ka dara hem na ka ovel tut razlog asi dar, i dar na ka ukljel tut. 15 Ako neko napadini tut, odova na ka ovel sose me phenđum odova. Svako ko napadini tut, ka ovel pobedimo. 17 Nisavo oružje kova tano ćerdo protiv tute na ka ovel uspešno hem ka mothove so hovavi svako ćhib koja optužini tut ko sudo. Odova tano o nasledstvo ando Jehovase sluge hem anglo mande on tane pravedna“, phenela o Jehova.