Poslovice

7 Rode mudrost sose oj tani najvažno ando sa, hem uzo sa odova so rodeja, rode hem i razboritost. 10 Šun, mo ćhavo, hem ićer tut ko me lafija hem ka živine but berša. 11 Ka legarav tut ko drumo andi mudrost, ka legarav tut ko drumo andi čestitost. 12 Đi ka phire, ništa na ka peravi tut. Ako ka prasta, na ka pere. 13 Ićer tut ko me savetija, ma forde len, arakh len, sose on ka arakhen to životi. 14 Ma đa ko drumo ando rumime manuša hem ma phir ko drumo ando lošna. 15 Cide tut olestar, ma đa ko odova drumo, irin tut olestar hem ma nakh odothar. 18 Ama, o drumo ando pravednikija tano sar i svetlost koja avela sabale, koja svetlini sa pobuter đi na phravđola o dive. 23 Pobuter kotar sa so arakheja, arakh to vilo, sose olestar avela o životi. 25 Nek te jaćha dikhena pravo anglal, to pogled usmerin pravo anglo tute. 26 Šukar dikh o drumo ko kova đaja hem sa te drumija ka oven sigurna.