2. Solunjanima

3 Dužna hijam uvek te zahvalina e Devlese sebepi tumaro, phraljalen, a isi amen hem sose, sebepi soj tani tumari vera sa pozorali, a o mangipe kova osetinena jekh premalo aver tano sa pobaro. 6 Sose tano pravedno o Devel te kaznini okolen kola tumenđe ćerena pharipa. 7 A tumenđe, kola trpinena o pharipa, ka ovel polokho, sar hem amenđe, ked ka pojavini pe o Gospod, o Isus. Ov ka avel kotar nebo pe moćno anđelencar 8 ki jag koja thabljola hem ka irini okolenđe kola na penđarena e Devle hem kola na šunena i šukar vest ando amaro Gospod o Isus. 9 On ka oven kaznime ađahar so ka oven večno uništime, zauvek ka oven cidime ando Gospod hem andi lesi slavno moć.