Ponovljeni zakoni

6 Oven hrabra hem zorale. Ma daran olendar, sose o Jehova, tumaro Devel, đala tumencar. Ov na ka aćhavi tumen niti ka mukhel tumen.“ 7 O Mojsije vićinđa e Isuse hem anglo celo Izrael phenđa lese: „Ov hrabro hem zoralo, sose tu ka ane akava narodo ki phuv asi koja o Jehova dinđa sovel so ka del len, hem tu ka de la te ovel olengo nasledstvo. 8 O Jehova đala anglo tute. Ov ka ovel tuvaja hem na ka aćhavi tut hem nisar na ka mukhel tut. Ma dara. 13 Tegani olenge ćhave kola pana na penđarđe odova Zakon ka šunen hem ka sikljon te daran ando Jehova, tumaro Devel, sa đi živinena ki phuv ki koja đana prekalo Jordan te osvojinen la. 23 O Devel ćhivđa e Isuse, e Navinese ćhave, te ovel vođa hem phenđa lese: „Ov hrabro hem zoralo, sose tu ka legare e Izraelcen ki phuv asi koja dinđum sovel so ka dav len, a me ka ovav tuvaja.“ 29 Sose đanava so palo mo meribe ka ruminen tumen hem ka ciden tumen ando drumo ko kova zapovedinđum tumenđe te đan. Ko krajo ka arakhi tumen i nevolja, sose ka ćeren odova soj tano lošno anglo Jehovase jaćha hem ka vređinen le odoleja so ka ćeren.“