Kološanima

6 Odolese, sebepi so mothovđen i vera ko Hrist Isus, amaro Gospod, hem ponodri mora te živinen sar ov so živinđa. 7 Sar so sikljiljen, tumari vera ko Hrist valjani te ćerel tumen zorale hem jaka sar kaš kase korenija tane hor ki phuv. Stalno zahvalinen tumen e Devlese. 8 Pazinen neko te na astari tumen ki zamka ađahar so ka koristini i filozofija, hem o hovavne hem o ćuće lafija. Sa odova avela ando manušikane tradicije, ando razmišljanje akale svetoso, a na ando e Hristese sikljoviba. 13 Tumen, kola hijen le mule sebepi tumare prestupija hem sebepi odova so na hijen le obrezime, o Devel ćerđa te oven đivde hem ko jekhipe oleja. Ko po šukaripe oprostinđa sa amare prestupija. 17 Sa odova tano samo senka ando odova so avela, ama odova soj tano ćaće tano o Hrist.