2. Kraljevima

2 O Ilija phenđa e Jelisejese: „Molinava tut, aćhov akate, sose o Jehova bićhali man ko Vetilj.“ Ama, o Jelisej phenđa: „Hava sovel anglo Jehova, o đivdo Devel, hem anglo tute, na ka aćhavav tut.“ Ađahar đelje ko Vetilj. 7 A o 50 e prorokonenge ćhave đelje palo lende, hem ked on duj aćhilje uzo Jordan, on terdilje podur hem posmatrinđe len. 8 Tegani o Ilija lelja po proročko ogrtači, paćarđa le hem khuvđa o pani oleja hem o pani odvojinđa pe ko duj strane, ađahar o solduj nakhlje upri šuki phuv. 9 Ked nakhlje ki aver strana, o Ilija phenđa e Jelisejese: „Phen maje so mangeja te ćerav tuće angleder so o Devel ka lel man tutar.“ O Jelisej phenđa: „Šaj li, molinava tut, te dobinav e Devleso duho duj putija pobuter nego so bi inače dobinava?“ 11 Đi phirđe hem vaćerđe, ando jekh puti i bojno kočija hem o grasta kola sjajinđe sar i jag terdilje maškaro olende hem i bari bavlal legarđa e Ilija ko nebo. 13 Palo odova vazdinđa e Ilijaso proročko ogrtači kova pelo lestar, irinđa pe hem terdilo ki obala ando Jordan. 14 Tegani lelja e Ilijaso proročko ogrtači kova pelo lestar, khuvđa o pani oleja hem phenđa: „Kaj tano o Jehova, e Ilijaso Devel?“ Ked khuvđa o pani, ov odvojinđa pe ko duj strane hem o Jelisej đelo ki aver strana. 15 Ked o proročka ćhave ando Jerihon dikhlje le dural, phenđe: „E Ilijaso duh huljilo ko Jelisej.“ Odolese ikljilje anglo leste hem pokloninđe pe lese đi i phuv.