Poslovice

5 O mudro ka šunel hem pana pobuter ka sikljol, hem o razumno ka prihvatini o šukar savetija. 8 Mo ćhavo, šun te dade ked sikavi tut, hem ma forde o savetija andi ti daj. 9 On tane šužo venco ko to šero hem šuži ogrlica ki ti men. 10 Mo ćhavo, ako o grešnikija pokušinena te ćhiven tut ko pogrešno drumo, ma šun len! 15 Mo ćhavo, ma đa olencar. Ićer tut podur ando olengo drumo. 20 I ćaćutni mudrost glasno vaćeri ki ulica, vazdela po glaso ko trgija. 21 Ko raskrsnice ando ulice kuri tane but manuša glasno vaćeri, anglo dizjake udara vaćeri: 22 Đi ked, tumen so hijen neiskusna, ka ponašinen tumen sar neiskusna? Đi ked, tumen so marena muj, ka uživinen ko odova so ćerena? Đi ked, tumen so hijen bigođake, ka mrzinen o đandipe? 23 Prihvatinen mo ukor. Tegani ka dav tumen mudrost, ka pomožinav tumen te haljon me lafija. 24 Me vićinđum tumen, ama tumen na mangljen te šunen, dinđum tumen mo vas, ama niko na obratinđa pažnja. 25 Nijekh mo savet na mangljen te šunen hem na mangljen te prihvatinen mo ukor. 31 Odolese ka trpinen o posledice ando odova so ćerđe hem olenge planija ka ikljon lenđe ando nak. 33 A ko man šunela ka ovel le mir hem ka živini mirno, na ka daral ando lošnipe.